Po shkëlqen këtë sezon, Valencia kërkon të rrëmbejë Uzunin në verë

Myrto Uzuni po përjeton sezonin më të mirë në karrierë dhe me paraqitjet e bëra në gadishullin Iberik janë bindur se 27-vjeçari është lojtar i denjë për ekipet e rëndësishme në elitën e futbollit spanjoll.

Valencia është vënë në ndjekje të yllit të Kombëtares shqiptare. Pas këtij sezoni të dobët dhe largimit të trajnerit Gattusso, klubi po mendon për projektin e ringritjes dhe në listën e dëshirave është edhe Uzuni.

Granada ka përcaktuar çmimin e kartonit të Uzunit, në një klauzolë që lidhet me arritjet e ekipit. Nëse klubi ngjitet në La Liga, sulmuesi do të kushtojë 25 milionë euro.

Gjatë merkatos së janarit, interes për Uzunin kishte edhe nga Galatasaray në Turqi dhe Leeds në Premier League angleze.