Paul Pogba gjatë këtij sezoni është detyruar që të qëndrojë më shumë jashtë fushave të lojës për shkak të një dëmtimi. Ylli francez në një intervistë të dhënë për faqen e klubit ka treguar vështirësitë, ndërkohë që shfaqi dhe optimizmin për t’u rikthyer më i fortë se më parë.
“Javët e kaluara në fushë kanë qenë shumë zhgënjyese, diçka e tillë nuk më kishte ndodhur kurrë në jetën time. Në fillim të sezoni kisha një dëmtim, ndërkohë që m vonë zbulova se bëhej fjalë për një frakturë.
U detyrova që të qëndroj pushim, por më pas gjithçka shkoi mirë. Pas rikthimit në fushë vendosëm që duhet të bënim operim. Po stërvitem duke prekur edhe topin, jam më i uritur se kurrë dhe mezi pres që të rikthehem dhe të luajë sërish”, ka treguar Pogba për faqen e klubit të United. /R.Lika-Koha Jone/
