Tri pikë me shumë peshë siguruan Laçi, Pogradeci, Iliria dhe Kukësi. Dje te tri pikët doli edhe Skënderbeu, ndërsa ky raund do mbyllet të dielën me sfidën Lushnja-Burreli që merr jetë në orën 13:30.
Pogradeci vendas fitoi 3-1 kundër Korabit. Goli i parë i ndeshjes ishte i veçantë, pasi portieri i liqenorëve, Marin, asistoi ‘nga porta në portë’ për realizimin e Grecës. Më pas Taulant Marku barazoi në pjesën e dytë, por Pius dhe Lesai shënuan dy gola të tjerë për Pogradecin.
Në Laç ishte goli i Sandër Kalaj që i dha tri pikë vendasve kundër AF Luftëtarit, me bardhezinjtë që mbeten në pozitën e dytë. Kukësi i dha debutimin e duhur trajnerit të ri, Bledi Kadiu, teksa goli i Ballhysës solli fitoren 1-0 kundër Besës.
Iliria e festoi me tri pikë rikthimin në stadiumin e Fushë-Krujës duke mposhtur 2-0 Apoloninë me golat e Jakubu dhe Ange. Pas raundit të 20-të, Skënderbeu me 47 pikë prin renditjen, ndjekur nga Laçi me pesë pikë më pak.
Kategoria e Parë, raundi 20-të:
E premte, 30 janar 2026
13:30 Skënderbeu 2-1 Kastrioti
E shtunë, 31 janar 2026
Iliria 2-0 Apolonia
Kukësi 1-0 Besa
Laçi 1-0 AF Luftëtari
Pogradeci 3-1 Korabi
E diel, 01 shkurt 2026
13:30 Lushnja-Burreli