Postimi “profetik” i Pedrit bëhet viral: Parashikoi finalen e Botërorit më shumë se një vit më parë

Një postim i mesfushorit spanjoll Pedri, i publikuar më shumë se një vit më parë, është bërë viral në rrjetet sociale pas kualifikimit të Spanjës në finalen e Kupës së Botës 2026.

Më 10 qershor 2025, vetëm pak orë pas humbjes së Spanjës në finalen e UEFA Nations League ndaj Portugalisë, futbollisti i Barcelonës publikoi në Instagram një foto së bashku me shokët e tij të skuadrës, Lamine Yamal dhe Nico Williams. Në postim binte në sy vetëm një datë: 19 korrik 2026, dita kur do të zhvillohet finalja e Kupës së Botës.

Në atë kohë, mesazhi u interpretua si një objektiv dhe një premtim për të ardhmen, ndërsa sot ai shihet nga tifozët si një “parashikim” që është bërë realitet. Pas fitores 2-0 ndaj Francës në gjysmëfinale, Spanja siguroi zyrtarisht një vend në finalen e Botërorit, pikërisht në datën që Pedri kishte publikuar më shumë se një vit më parë.

Mesfushori spanjoll kontribuoi edhe në suksesin ndaj Francës. Ai u aktivizua në minutën e 67-të të takimit, duke zëvendësuar Fabián Ruiz dhe ndihmoi ekipin të ruante epërsinë deri në fund të ndeshjes.