Pritet spektakël sonte në Champions/ Milani kërkon mrekullinë ndaj Realit, Zhegrova sfidon Juven
Champions League vijon mbrëmjen e sotme me duele fantastike që pritet te sjellin emocione dhe spektakël. Mbi të gjitha spikat Real Madrid-Milan.
Kuqezinjtë kërkojnë mrekullinë përballë kampionëve në fuqi të Europës. Në “Bernabeu” zbresin në fushë plot 22 trofe të Champions, me “Los Blancos” që janë 15 herë fitues dhe “Djallin” 7 herë. Ekipi i Ancelottit është favorit absolut duke parë dhe ulje-ngritjet e shumta që ka pasur ekipi i Fonseca-s këtë sezon.
Juventusi do të luajë transfertën me Lilën e Edon Zhegrovës. Francezët kanë mposhtur Realin dhe Atletico Madrid dhe ëndërrojnë triumfin e tretë përballë një tjetër emri të madh në Europë si “Zonja e Vjetër”.
Për të dyja skuadrat fitorja do të shërbente të garantonin një pozicion të mirë për të kaluar në fazën tjetër. Sfidë shumë interesante ështrë edhe ajo në Anfield ndërmjet Liverpool dhe Bayer Leverkusen. Reds janë rikthyer të frikshëm me Arne Slot, me teknikun holandez që e ka udhëhequr skuadrën drejt kreut në Premier League dhe startin perfekt në Champions.
Manchester City do të luajë në transfertën me Sportingut të Lisbonës, ndërsa Borussia Dortmund pret Sturm Graz.
