PSG fiton dhe kualifikohet ndaj Dortmundit, Liverpooli shkon në shtesë me Atleticon (VIDEO)

PSG është skuadra e radhës që siguron një vend në çerekfinalen e këtij sezoni në Champions League. Skuadra e Tuchel fitoi 2-0 në duelin e kthimit në shtëpi, edhe pse nuk kishte mbështetjen e tifozëve.

Skuadra franceze zhbllokoi ndeshjen që në minutën e 28-të, me Neymar, që do të realizonte me kokë. Në shtesën e pjesës së parë, Juan Bernat shënoi edhe golin e dytë.

Dortmundi provoi të reagonte në pjesën e dytë, por nuk mundi të shënonte golin që do ta dërgonte ndeshjen në shtesë. Një shtesë e cila do të luhet në “Anfield”, pasi Liverpooli po fitoi 1-0 kohën e rregullt ndaj Atleticos.