Paris Saint-Germain është shumë pranë sigurimit të shërbimeve të talentit të ri nga Bregu i Fildishtë, Yan Diomandé. Sipas raportimeve të medias franceze L’Equipe, anësori 19-vjeçar i Leipzigut ka shprehur tashmë dëshirën e tij për t’iu bashkuar kampionëve të Francës gjatë merkatos së kësaj vere.
Diomande ka tërhequr vëmendjen e klubeve të mëdha evropiane falë paraqitjeve mbresëlënëse në Kupën e Botës 2026, duke u konsideruar si një nga zbulimet më të mëdha të turneut.
Burimet pranë negociatave bëjnë të ditur se PSG e konsideron vullnetin e futbollistit si kushtin kryesor për finalizimin e çdo transferimi. Pikërisht për këtë arsye, drejtuesit parisienë kanë intensifikuar kontaktet me klubin gjerman, ndërsa presidenti i PSG-së, Nasser Al-Khelaïfi, po punon për të mbyllur marrëveshjen sa më shpejt.
Interes për sulmuesin ka shfaqur edhe Liverpool, por duket se PSG ka fituar terren në garën për nënshkrimin e tij. Sipas të njëjtave raportime, palët janë shumë afër arritjes së një marrëveshjeje përfundimtare.
Nëse transferimi zyrtarizohet, Diomandé pritet të firmosë një kontratë pesëvjeçare me klubin parisien, duke u bërë një nga investimet më premtuese të PSG-së për të ardhmen. Për momentin mungon vetëm finalizimi i detajeve të fundit mes dy klubeve për ta bërë zyrtare kalimin e talentit afrikan në “Parc des Princes”.