Rakitic largohet në fund të sezonit, Atletico dhe Sevilla nisin duelin

Ivan Rakitic me shumë mundësi do të largohet nga Barcelona në përfundim të këtij sezoni. Gjithsesi kroati pritet të qëndrojë në La Liga, pavarësisht interesimit të Juventusit apo Interit për kartonin e tij.

Pas Sevillas, që kërkon ta rikthejë në “Sanchez Pizujan”, mesfushori pëlqehet shumë nga Atletico Madrid dhe sipas asaj që shkruajnë mediat iberike, mes drejtuesve të klubit dhe përfaqësuesve të lojtarit kanë nisur bisedimet për të gjetur një marrëveshje.

31-vjeçari u bashkua me katalanasit në verën e vitit 2014 nga Sevilla për 18 milionë euro, ndërkohë që ai ka një kontratë që përfundon në qershor të vitit 2021.