Real Madrid, largohet portieri Casillas te Porto, pas 16 vitesh

Iker Casillas arrin akord me Realin e Madridit për prishjen e kontratës dhe shihet vetëm një hap larg transferimit te Porto.

Drejtuesit e Los Blancos kanë pranuar të derdhin në llogarinë e portierit  34-vjeçar 12,5 milionë Euro për të prishur 2 vite kontratë që Casillas kishte me Real Madrid. Kalimi i futbollistit të kombëtares spanjolle në Portugali shihej vetëm si çështje orësh. Me Porton Casillas do të firmosë një kontratë 2 vjeçare me opsion rinovimi edhe për 1 tjetër sezon nga e cila do të përfitojë rreth 3,5 milionë Euro në vit. Në 16 vite karrierë si profesionist me klubin merengues, Casillas ka fituar 18 trofe.