Real Madrid, Ronaldo dhe Higuain “jashtë kontrollit” në një ndeshje kontrolli

Ka raste që edhe lojtarët e mëdhenj nuk e ruajnë qetësinë dhe Cristinao Ronaldo është njëri prej tyre. Sulmuesi i Real Madrid ka patur reagimin e parë ndaj trajnerit të ri, Rafa Benitez.

Ngjarja ka ndodhur disa ditë më parë në një takim kontrolli gjatë seancës stërvitore të madrilenëve. Ronaldo ka shënuar 1 gol, i cili është anuluar nga Benitez. Ky vendim e ka nervozuar futbollistin, duke i folur ashpër trajneri, që po luante rolin e gjyqtarit.

Rafa Benitez e ka kaluar me të qeshur këtë ndodhi dhe më pas polemikat janë shuar. Asnjë mëri mes të dyve, të paktën në sytë e publikut.

Nervoz është shfaqur edhe argjentinasi Gonzalo Higuain. Sulmuesi i Napoli nuk ka pranuar që të fotografohet me një tifoz në Ibiza. Kjo ka sjellë reagimin e djaloshit, i cili e ka ngacmuar duke i thënë; Nuk di të shënon as një penallti.

Fjalët nuk janë pëlqyer nga sulmuesi që është nervozuar me tifozin. Skena është filmuar me telefon nga një person tjetër dhe Higuain e ka kërcënuar kuriozin që të fshijë viedon, ndryshe do t’i këpuste kokën. Video është publikuar nga gazeta spanjolle “El Mundo”.