Nënvleftësimi i emergjencës koronavirus në Angli është një temë që vazhdon të bëjë zhurmë edhe në botën e sportit. Të shumta denoncimet, përfshirë atë të Pepe Reina, portieri spanjoll i Aston Villa-s.
Në një intervistë për të përditshmen sportive “Marca”, Reina ka kryqëzuar sjelljen e autoriteteve angleze, jo vetëm për vendimin e vonë për të ndërprerë kampionatin deri në 4 prill: “Ishte një çmenduri të vazhdonim të luanim. Duhet të gjithë ta marrim seriozisht këtë situatë, vendet e tjera më të infektuara kanë marrë masa radikale e ne duhet të bëjmë të njëjtën gjë. Anglia nuk mund të mbyllë sytë e të bëjë të paditurin.
Këtu në Angli kanë rekomanduar të jemi të kujdesshëm e të qëndrojmë në shtëpi. Unë nuk ka problem të qendroj në formë i stërvitur në shtëpi, por në do të pushojmë vetëm në fundjavë, sepse nga e hëna do të nisim stërvitjen.
Vetëm skuadrat që kanë patur të infektuar janë futur në karantinë e izolim. Ne do të vazhdojmë të stërvitemi normalisht nga kjo e hënë. Shëndeti i të gjithëve është më i rëndësishëm se çdo sport. Ka prioritete në jetë që duhet të bëhen të qarta, futbolli është vetëm një zbavitje për njerëzit”, deklaroi Reina.