Renditja e UEFA-s, Skënderbeu ngjitet 52 vende

Skuadra kampione e Shqipërisë, Skënderbeu ka thyer një rekord të ri në nivel klubesh. Korçarët kanë fituar 52 pozicione në renditjen e klubeve të publikuar nga Qeveria Europiane të Futbollit (UEFA).

Ajo që bie në sy në renditjen e publikuar nga ky institucion është fakti se Skënderbeu nga pozicioni 242 që ishte, sot është në vendin 190, pra 52 vende më lartë.

Skënderbeu ka fituar shumë pikë pas fitores ndaj Sportingut të Lizbonës në “Elbasan Arena”, ku korçarët gjetën dhe fitoren e parë Europiane.

Në këtë renditje ka ndikuar dhe udha e korçarëve edhe në kualifikimin në Europa Ligë, ç’ka nuk ishte arritur më parë nga një skuadër shqiptare.

Skënderbeu vazhdon të shkruajë historinë duke korrur suksese të jashtëzakonshme, si asnjë klub tjetër shqiptar.