Rikthehet “problematiku” Peter Olaynka, por nuk shkon në Korçë

Pas bisedës së bërë me presidentin e Skënderbeut, Ardjan Takaj, nigeriani Peter Olaynka ka mbërritur në Shqipërisë dhe menjëherë është akomoduar në resortin “Tropikal” në Durrës, pronë e presidentit të ekipit korçar. Olaynka nuk ka preferuar t’i bashkohet ekipit në Korçë, por ndoshta ai do të jetë nesër në Elbasan, ku ekipi do të grumbullohet për ndeshjen e kthimit kundër Milsamit. Vetë futbollisti nuk ka preferuar të komentojë largimin dhe rikthimin e tij, duke dashur që më parë të ulet me presidentin Takaj për të sqaruar gjërat.