Rikuperim në kohë rekord për Dybala, mund ta nisë titullarë ndaj Juves

Paulo Dybala është rikuperuar plotësisht dhe këtë e vërtetojnë dy skanimet që ka bërë stafi mjekësor. Prania e tij kundër Juventus është e sigurt, por ajo që Jose Mourinho dhe vetë lojtari nuk kanë vendosur është nëse argjentinasi do të jetë nga minuta e parë në fushë, apo do të aktivizohet gjatë pjesës së dytë.

Mourinho buzëqesh pasi do të ketë në dispozicion dyshen Lukaku-Dybala, shtyllat e skuadrës që portugezit i duhen për t’ia bërë më të vështirë Juventusit.  Portugezi do të vendosë vetëm në minutat e fundit nëse do ta rrezikojë që nga minuta e parë ose jo.