Rodri: Do të ishte një ëndërr që të fitoja “Topin e Artë”

Rodri është shprehur se do të ishte një ëndërr që të fitonte Topin e Artë 2024. Ceremonia e ndarjes së çmimit më të madh individual, do të mbahet me 28 tetor në Paris.

“Do të ishte një ëndërr. Jam shumë i lumtur për gjithçka që më ndodh në vitet e fundit, fitimi i trofeve me Cityn dhe i Evropianit me vendin tim është vetëm një ëndërr. Është për shkak të punës së palodhur, konsistencës, të faktit që të mos dorëzohesh kurrë”, tha Rodri.

Përveç Rodrit në garën për të fituar Topin e Artë janë edhe Vinicius Junior, Dani Carvajal dhe Jude Bellingham.