Rodri zbulon prapaskenat e transferimit te Barcelona: I thashë ‘jo’ Realit, telefonova dhe Mourinhon

Rodri është një nga protagonistët kryesorë të sezonit pozitiv të Barcelonës. Mesfushori spanjoll ka sjellë ekuilibër, eksperiencë dhe cilësi në repartin e mesfushës, duke u kthyer shpejt në një lojtar të rëndësishëm për skuadrën e Hansi Flick.

Në një intervistë për Mundo Deportivo, Rodri ka folur për transferimin e tij gjatë verës dhe interesimin konkret të Real Madridit. Spanjolli pranoi se vendimi nuk ishte aspak i lehtë.

“Duhej të merrja një vendim shumë të rëndësishëm, mes dy klubeve më të mëdha në botë. Në fund zgjodha Barcelonën për arsye futbollistike, pasi besova se këtu mund të rritesha më shumë si lojtar. Nuk ishte e lehtë t’i thosha jo Real Madridit, sepse u sollën në mënyrë fantastike me mua”, u shpreh Rodri.

Mesfushori zbuloi gjithashtu se përpara vendimit final kishte telefonuar Mourinhon për ta falënderuar për interesimin.

Sa i përket Barcelonës, Rodri veçoi ambicien e Flick: “Më tërhoqi dëshira e tij për t’u përmirësuar çdo ditë. Ai nuk vendos limite”.

Për Champions League, Rodri është optimist, por nuk e sheh Barcelonën si favorite absolute. “Është një objektiv i mundshëm, por duhet të përmirësohemi ende”, përfundoi ai.