Ronaldinho elozhe për talentin e Arsenalit: Më kujton “Fenomenin” Ronaldo

Gabriel Martinelli ka marrë shumë komplimenta nga ekspertët më të mëdhenj të futbollit. Sulmuesi 18 vjeçar i Arsenalit i ka habitur të gjithë me lojën e tij deri më tani, duke marrë edhe vlerësimet e një legjende si Ronaldinho. Ish-ylli brazilian, duke folur për “The Mirror”, ka shprehur idenë e tij mbi talentin e “Gunners”, me një krahasim vërtetë të rëndësishëm.

“Ne brazilianët jemi shumë të lumtur për Martinelli e të ardhmen e tij. Të kesh talent është diçka, por gjëja më e rëndësishme është diçka tjetër: të kesh besim tek vetja në moshën 18 vjecare”, ka thënë Dinho. “Më kujton Ronaldon (Fenomenin).

Në sezonin e tij të parë në Europë, shënoi 30 gola e njerëzit menduan: ‘Kush është ky brazilian 18-vjeçar’. Donte të luante me topin e vraponte tek kundërshtarët pa asnjë frikë, pavarësisht nga skuadrat dhe lojtarët që kishte kundër.

Tani shoh të njëjtën gjë tek Martinelli. Gabriel dëshiron vetëm të marrë topin e të shënojë. Ronaldo u bë më i miri në botë dhe ky mund të jetë objektivi edhe i Martinellit”, ka përfunduar Ronaldinho.