“Sabiti” feston 12-vjetorin

Është pjesë e ndeshjeve të Kombëtares sonë, figura e Sabitit e shoqëron kudo lojtarët e Kombëtares, kudo që ato shkon. Për plot 12-të vite Sabiti është bërë imazh identifikues për tifozat Kuq e Zi. “Sabiti” është personazhi imagjinar që qëndron në mes të logos se Tifozëve Kuq e Zi, ai shqiptari me muskuj dhe shumë krenar, me një top gjysmë të çarë në duart e tij, ose me një flamur në dorë si në rastin e fotos së sipërme dhe me një qeleshe në kokë.

 

“Sabiti” verën e ardhshme do të jetë në Francë, në qytetin e dashurisë, por jo për ndonjë romancë por kësaj radhe për të bërtitur fortë për Kombëtaren, që do të luajë Europianin e saj të parë. Më 25 dhjetor 2003 u themelua tifogrupi që do t’i qëndronte përkrah Kombëtares shqiptare me emrin “Tifozat Kuq e Zi”. Në 12 vite të ekzistimit të tyre, ata kanë qenë kudo dhe këtë vit janë më të lumtur se kurrë pas kualifikimit të Shqipërisë në finalet e Europainit.

 

Ja mesazhi në facebook i Tifozave Kuq e Zi!

"25.12.2003 – 25.12.2015. 12 vjet nga dita e themelimit të Tifozave Kuq e Zi

Vazhdojmë me të njëjtin pasion dhe dëshirë në përkrahje të dy ngjyrave më të bukur mbi dhe"

 

R.Shtylla