Sadiku prish kontratën me Levanten, tashmë është futbollist i lirë

Armando Sadiku nga sot është një futbollist i lirë. Sulmuesi i Kombëtares Shqiptare ka zgjidhur me marrëveshje kontratën që e mbante të lidhur me Levanten edhe sezonin e ardhshëm. Ai luajti gjatë dy sezoneve të fundit i huazuar te Lugano e së fundmi te Malaga, ndërkohë që tashmë duhet të mendojë për një tjetër destinacion.

Njoftimi i Levantes:

“Levante UD dhe Armando Sadiku kanë arritur marrëveshjen për të ndërprerë kontratën që i mbante të lidhura palët deri më 30 qershor 2021.

Futbollisti shqiptar arriti te skuadra e Levantes në Janar 2018 nga Legia e Varshavës. Një vit më vonë, ai u bashkua me FC Luganon dhe në shtator 2019 u la me huazim te Málaga CF.

Ne, nga Levante UD duam t’ju falënderojmë për punën dhe profesionalizmin tuaj si dhe dëshirojmë të keni sukses si profesionalisht ashtu edhe personalisht.”