Schweinsteiger për qejfin e serbes Ana Ivanoviç, zemëron shqiptarët

Ylli i Bayern Munich, Bastian Schwinsteiger ka hapur debate të forta në Gjermani mbi ndarjen e  mundshme me modelen gjermane Sarah Brandner, pasi së fundmi, në përgatitjet e Bajernit, në Katar, ai e  ka hequr emrin e saj nga këpucët. Lojtari e mbante prej kohësh emrin e modeles bionde në këpucë, edhe gjatë lojës, por pas Kupës së Botës në Brazil, ka pasur zëra se mes çiftit kishin lindur probleme dhe ata ishin ndarë. Futbollisti i kombëtares së Gjermanisë kohët e fundit është fotografuar pranë tenistes serbe me famë botërore,  Ana Ivanoviç, të cilën ka shkuar për ta takuar edhe në turneun e fundit, në Australi. Dhe Schweisteiger ka porositur këpucë të reja, fillimisht me simbolet serbe dhe pritet të vendosë edhe emrin e Anës, në të ardhmen. Këpucët e reja të futbollistit të kombëtares gjermane dhe të Bajern Mynih, Bastian Schweinshtaiger nuk do t’i pëlqejnë të gjithë tifozët e tij, sidomos shqiptarëve, por me siguri do t’i pëlqejnë tenistes, Ana Ivanoviç. Mediat gjermane raportojnë se  mesfushori i Bajernit, i njohur dhe i adhuruar në vendin e tonë, për lojën e tij me bavarezët dhe Kombëtaren Gjermane, ka vendosur të qepë flamurin serb në këpucët e tij të reja, si shenjë dashurie për tenisten Ivanoviç. Bild e ka fotografuar lojtarin e Gjermanisë krah tenistes serbe, në një plazh, në Australi dhe duket se ky takim ishte si ngushëllim për tenisten serbe,e  cila humbi në Australia Open.