Seria A/ Inter rekord në Europë, në 11 ndeshje pa pësuar gol

Interi i Roberto Mançinit marshon në krye të Serisë A me 36 pikë të grumbulluara, pas 11 fitoreve, 3 barazimeve dhe 2 humbjeve në këtë kampionat.

Mbrojtja zikaltër është më e mira në Itali, me vetëm 9 gola të pësuar në 16 javë të luajtura, ndërsa në javët e fundit është rritur edhe finalizimi përpara portës kundërshtare.

Mançini dhe lojtarët tashmë besojnë fort të shanset për të luftuar deri në fund për titullin, me rivale si Juventusi, Napoli, Roma dhe Fiorentina.

Interi e ka mbajtur portën të paprekur në plot 11 ndeshje nga 16 të luajtura: statistikë që është një rekord në Europë, ashtu si Angiers, skuadra surprizë e Ligue 1 franceze.

Zikaltërit kanë lënë madje pas tyre edhe skuadra si Bayern Munich dhe Paris Saint Germain, të cilat e kanë mbajtur portën të paprekur në dhjetë ndeshje.

Manchester United, Atletico Madrid dhe Napoli ndodhen në kuotën e 9 ndeshjeve, ndërsa Fiorentina, Lilla e Nantes e Lorik Canës dhe Ermir Lenjanit janë në kuotën 8.

Shifrat janë mjaft shpresëdhënëse për Interin, që po zhvillon një kampionat mbi çdo pritshmëri. Nëntë gola të pësuar në 16 ndeshje është një ecuri të cilën ziklatërit e kanë regjistruar vetëm tetë herë në histori. Nga këto, në pesë raste, në fund të sezonit Interi është shpallur kampione e Italisë.

Seria A – Java e 16-të

12/12/2015

Genoa              0 – 1                  Bologna

Palermo            4 – 1                 Frosinone

Sassuolo – Torino (shtyrë)

Udinese            0 – 4                  Inter