Sezoni që zbeh Partizanin, mungon Europa. Bie ndikimi në merkato

Partizani do të përballet me një verë të vështirë pas mungesës në Kupat e Europës, pasi e mbylli kampionatin në vendin e pestë. Kjo pritet të ndikojë si në aspektin financiar, ashtu edhe në merkaton e klubit.

Drejtuesit synojnë të bëjnë një merkato të kujdesshme, me investime të balancuara dhe fokus te stabiliteti ekonomik. Mungesa në Europë mund ta bëjë më të vështirë afrimin e lojtarëve cilësorë, pasi kompeticionet europiane janë një vitrinë e rëndësishme për futbollistët.

Nga ana tjetër, disa lojtarë si Tedi Cara dhe Arinaldo Rrapaj mund të largohen në rast ofertash të mira, për të ndihmuar klubin ekonomikisht. Por te Partizani nuk ka panik. Klubi beson se me trajnerin e ri dhe përforcimet e duhura mund të rikthehet shpejt në garën për trofe dhe në Kupat e Europës.