Sfidë e ashpër në Serinë A për mesfushorin Asension

Në Serinë A do të zhvillohet një super sfidë ndërmjet Interit, Milanit dhe Juventusit për mesfushorin Marco Asensio, i cili prej kohësh po ndiqet me vëmendje.

Zikaltërit kërkojnë të shtojnë cilësinë në mesfushë dhe në rastin konkret Marco Asensio preferohet shumë nga Simone Inzaghi.

Ndërsa kuqezinjtë janë të ndërgjegjshëm se pas huazimit, Brahim Diaz duhet të rikthehet tek Real Madridi, lojtar i cili do të lërë një boshllëk në ofensivë dhe pikërisht Stefano Pioli kërkon ta zëvendësojë me Marco Asensio, i cili ka fituar respektin e italianit duke u përfaqësuar denjësisht, tek një ndër ekipet me kërkesë më të lartë llogarie siç janë ”Los Blancos”.