Sfidon Realin dhe City-in brenda javës: Çdo ndeshje vlen 3 pikë!

Liverpool përgatitet për një periudhë të vështirë, me disa përballje delikate si në kampionat ashtu dhe në Europë. Pas ndeshjes me Southampton këtë fundjavë, “The Reds” do të luajnë ndaj Real Madrid në Champions League dhe Manchester City në Premier League.

“Do të jetë e vështirë por jemi gati për çdo sfidë. Ajo që ka rëndësi është që të gjithë lojtarët të jenë gati. Për fat të keq, Allison dhe Jota nuk janë ende gati, ndërsa Trent është rikthyer dhe mund të luajë.

Nëse duhet të fitosh trofe duhet të përballesh dhe fitosh ndaj të gjithëve. Nuk nënvlerësojmë asnjë kundërshtar, as Southampton dhe as Real e City. Çdo ndeshje vlen tri pikët pavarësisht se ndaj kujt luan, ndaj duhet impenjim maksimal dhe kujdes”, u shpreh Slot