Shënoi 4 gola ndaj Olympiacos, por Mbappe zbulon se u provokua nga tifozët grek

Kylian Mbappe ishte protagonisti absolut i mbrëmjes europiane, duke shënuar katër gola në fitoren dramatike 4-3 të Real Madrid ndaj Olympiacos në Athinë. Para se të niste spektakli i tij në fushë, sulmuesi francez u përball me një atmosferë të zjarrtë dhe provokuese nga tifozët grekë, të cilët gjatë nxehmjes u përpoqën ta destabilizonin me thirrje në … frëngjisht, por me një theks larg perfeksionit.

“Po, i dëgjova,” tha Mbappe me të qeshur pas ndeshjes. “Flisnin frëngjisht… por le të themi se theksi nuk ishte më i miri. Bën pjesë në lojë. Unë isha i fokusuar te detyra ime dhe si të ndihmoja skuadrën.”

Dhe përgjigjja në fushë ishte e pamëshirshme: tre gola brenda shtatë minutash (22’–29’) pas avantazhit fillestar të Chiquinho-s për grekët, e më pas goditja e katërt që vulosi një fitore të çmuar për madrilenët.

Në konferencën për shtyp, kapitulli i Francës iu përgjigj zërave se Reali varet shumë nga ai: “Kjo ide është e pakuptimtë. Secili ka rolin e vet. Unë jam këtu për të shënuar, por pa shokët e skuadrës nuk fitojmë. Këto janë gjëra që thuhen nga gazetarët, jo nga brenda dhomave të zhveshjes.”

Mbappé komentoi gjithashtu zërat për një marrëdhënie të ftohtë me trajnerin Xabi Alonso: “E vërteta është se jemi shumë të bashkuar. Kur ndryshon projekt, duhet kohë. Disa kritika kanë qenë të padrejta. Ne lojtarët jemi plotësisht në anën e trajnerit dhe stafit.”