Shërohet nga koronavirusi, Ancelotti do të jetë në stol në duelin ndaj Chelsea-t

Carlo Ancelotti do të jetë në stol kundër Chelsea. Trajneri italian mungoi kundër Celta Vigo në kampionat në ndeshjen e fundjavës.

Ancelotti ishte infektuar me Covid-19 dhe për këtë arsye ishte izoluar nga skuadra. Në testin e fundit, ai ka rezultuar negativ dhe sipas rregullores mund të vendoset në krye të ekipit.

“Real Madrid CF njofton se trajneri ynë, Carlo Ancelotti, ka rezultuar negativ në testin për Covid-19, ndaj ai do të udhëtojë për në Londër këtë mëngjes për t’iu bashkuar kampit stërvitor të ekipit të parë”, shkruhet në njoftimin e klubit të Los Blancos.