Shevchenko bën apel për ndihmë: Familja ime është në rrezik!

Ish-kapiteni i Ukrainës, Andriy Shevchenko, i ka bërë shteteve të tjera një apel për ndihmë dhe mbështetje në luftën që populli i tij po kalon me Rusinë.

Me anë të një mesazhi të postuar në rrjetet sociale, legjenda e futbollit ukrainas, është shprehur i trishtuar për atë që po ndodh në shtetin e tij.

“Herët në mëngjes, një luftë e shkallës së plotë filloi nga Rusia. Populli im, familja ime janë në rrezik. Ukraina dhe populli i saj kërkojnë vetëm paqe dhe të ruajnë territorin”, deklaroi ish-fituesi i Topit të Artë.