“Shqipëria po thyen çdo parashikim”, llogaria në “X” pretendohet se i përket trajnerit Jose Mourinho

Shqipëria nuk ka bërë për vetë vetëm tifozët shqiptarë anembanë botës, por edhe trajnerë të njohur. Pretendohet se edhe Jose Mourinho nuk ka mundur të rezistojë, teksa ka bërë një reagim në platformën “X” ku i thur elozhe Kombëtares shqiptare.

Profili mban fotografinë e tij dhe ka status “verified” me shenjën blu, por në të vërtetë nuk i përket trajnerit portugez. Reagimi i tij në mbështetje të kuqezinjve ka bërë xhiron e mediave online, por rezulton se llogaria nuk ka lidhje me Jose Mourinho.

“Shqipëria është një nga skuadrat që ka thyer çdo parashikim. Në grupin e vdekjes me zero pritshmëri, stadiume plot, ndeshje të bukura, gola në sekondat e para dhe gola në minutat e fundit. Një skuadër plot jetë në kërkim të fitoreve. Nuk e kishim parë një gjë të tillë që prej Kosta Rikës në Botërorin e 2014-s. Kulmi i futbollit”, thuhet në reagim.

Llogaria e pretenduar si i perket Jose Mourinho

Llogaria e pretenduar se është e trajnerit Jose Mourinho në fakt nuk është tjetër veçse një llogari e rreme në platformën “X” që shpërndan postime në emër të portugezit, duke pretenduar se është vetë “The Special One”.

* Titulli i artikullit është ndryshuar pas sinjalizimit nga Faktoje.al. Gjithashtu, rezulton se llogaria në platformën “X” nuk është e Jose Mourinho pavarësisht se është një llogari e verifikuar me shenjën blu, por pretendon dhe shpërndan njoftime sikur të ishte ai.

Albania are one of the coolest underdogs I have seen.

On the group of death, zero expectations, full stadiums, playing well, random brazilian coach, scoring goals at 20 seconds, scoring at the last minute, still alive.

We haven’t seen this since Costa Rica 2014. Peak football.

— IM🇵🇹 (@Iconic_Mourinho) June 19, 2024