Shtohen telashet për Zidane, Carvajal dëmtohet dhe mbyll para kohe sezonin

Dani Carvajal ka pësuar një dëmtim të muskujve në ndeshjen e së martës së kaluar kundër Chelsea-s dhe këtë të enjte ai iu nënshtrua testeve mjekësore që kanë konfirmuar shkallën e lëndimit: 29-vjeçari do të qëndrojë jashtë fushës për të paktën tri javë.

Në këtë mënyrë Carvajal praktikisht mbyll sezonin, pasi ai do të mund të kthehej vetëm në finalen hipotetike të Championsit. Edhe nëse do të riaftësohej në kohë, do të ishte e vështirë të luante pa fituar minuta në këmbë.

Mungesa e Carvajal është një problem i madh për Zidane, pasi duhet të mendojë për një alternativë në krahun e djathtë.