Skënderbeu shpartallon Ballshin pa nisur loja, tani pret shpërblimin

Skënderbeu korr fitoren e pestë radhazi, duke u ngjitur i vetëm në krye të klasifikimit, në Kategorinë Superiore. Fitorja nuk u vë në diskutim në asnjë moment teksa ish-lojtari i Bylis Olaynka shënoi që në 3’. Vendasit e shënuan golin e nderit, kur rezultati ishte 3-0 në favor të Skënderbeut.

Presidenti korçar, Ardian Takaj, kishte premtuar një shpërblim 400 mln lekë për tërë ekipin nëse arrinte fitoren e pestë radhazi.

Kujtojmë se po sot, Partizani fitoi  2-1 ndaj Tërbunit dhe mori përkohësisht kreun e klasifikimit.

Por me fitoren 4-1 ndaj Bylis, Skënderbeu e sheh veten me 15 pikë, dy më shumë se të kuqtë dhe më tepër i sigurtë drejt kurorës së titullit të radhës kampionë.

Një ndeshje mjaft e mirë dhe pozitive nga “Ujqërit” të cilët pasi sigurojnë kreun e renditjes, shkojnë të qetë drejt ndeshjes së dytë evropiane, ndaj Lokomotivës së Moskës, e vlefshme për UEFA Europa League. Kjo ndeshje zhvillohet më 1 tetor në Moskë.

Bylis-Skënderbeu 1-4

Shënues: Ronaille 81'/ Olayinka 3’, Lilaj 52’, Salihi 64’,  Latifi 83’