Skriniar: Nuk ka më Inter të çmendur, por është Interi i Contes!

Qendërmbrojtësi i Interit, Milan Skriniar, është rikthyer të flasë për ecurinë e zikaltrëve. Lojtari në një intervistë për “Tuttosport”, e thekson se tashmë është momenti për të marrë sa më shumë pikë dhe për të mos bërë gabime.

“Ky nuk është më Interi i çmendur. Ky është Interi i Antonio Contes. Këtë vit, Serie A është më e ekuilibruar se në sezonet e fundit. Ne jemi të lumtur që jemi të parët, por duhet të qëndrojmë atje deri në fund.

Kritikat? Të gjithë nuk do ta pëlqejnë lojën tonë, por për momentin është e rëndësishme që të fitojmë. Ne duhet të marrim pikë edhe duke luajtur keq. Tani duhet të përqendrohemi që të bëjmë sa më pak gabime që të jetë e mundur. Nëse ne do ta fitojmë Scudetton, do ta bëj tatuazh. Do të jetë një moment për t’u kujtuar gjithmonë”, përfundon Skriniar.