Snejder: Lautaros i sugjeroj Realin, nuk më pëlqen ta shoh te Barcelona

Barcelona prej javësh ështrë në tratativa me Injterin për transferimin e Lautaro Martinez. Ish-ylli i zikaltërve, Sneijder, shpreson te qëndrimi i amerikano-jugorit në “San Siro”. Holandezi beson se kjo zgjedhje nuk do të ishte në të mirë të sulmuesit.

“Nuk më pëlqen Barcelona, ndoshta ngaqë unë ​​kam luajtur për Real Madridin. Të fitosh me Interin është një ndjenjë unike. Unë e bëra këtë, uroj ta përjetojë edhe Lautaro, para se të largohet nga zikaltrit.

Personalisht do t’i rekomandoja Real Madridin. Një lojtar i fortë fizikisht dhe mentalisht e ka vendin në “Bernabeu”. Një sqarim dua të bëj: I sugjeroj Real Madridin, por vetëm pas disa vitesh të kaluara me Interin”, deklaroi Sneijder.