Spektakël në “Camp Nou”, por Barcelona ngec ndaj Valencias (VIDEO)

Barcelona ka dhuruar një pasdite shumë të bukur me Valencian, por nuk ka mundur të dalë me tri pikë të plota. Katalanasit barazuan 2-2, në duelin e mbushur me gola dhe surpriza.

Diakhaby zhbllokoi me kokë rezultatin në minutën e 29-të, por në shtesën e pjesës së parë Messi barazoi rezultatin, pasi fillimisht u ndal nga pika e bardhë. Argjentinasi barazoi rekordin e Pele me 643 gola me një klub të vetëm.

Në fillimin e fraksionit të dytë mbrojtësi Araujo shënoi një gol të bukur me një goditje akrobatike. Gjithsesi Valencia nuk i humbi shpresat dhe shënoi sërish me Maxi Gomez. Ky barazim e mban Barcelonën në vendin e pestë me 21 pikë, 8 më pak se Valencia që ka dhe një ndeshje tjetër për të rikuperuar. /R.Lika-Koha Jone/