Spektakël në Premier League/ Arsenali fitore dramatike ndaj Aston Villës (VIDEO)

Arsenali rikthehet në rrugën e fitoreve në Premier League dhe e bën këtë gjë në një duel dramatik ndaj Aston Villës. Skuadra e Artetës fitoi në shifrat 4-2 në një ndeshje që dhuroi shumë emocione.

Watkins kaloi ekipin e Unay Emery në avantazh në minutën e 5-të, por pak minua më pas Saka vendosi baraspeshën. Më pas vendasit do të riktheheshin në avantazh me Coutinhon.

Në fillimin e pjesës së dytë Arsenali do të gjente golin e barazimit me Zinchenkon. Kur dukej se gjithçka po shkonte drejt barazimit, në minutat shtesë, Jorginho lëshon një top që përplaset në shtyllë dhe më pas përplaset në trupin e portierit Emiliano Martinez për të shkuar në rrjetë.

Vendasit u munduan të gjenin barazimin, por në sekondat e fundit pësuan dhe golin e katërt pas një kundërsulmi vrastar të Gabriel Martinellit. /R.Lika-Koha Jonë/