Me 10 qepje në kokë, Gjimshiti “shtrëngon” dhëmbët dhe është gati ndaj Juves

Edhe pse pësoi një dëmtim të rendë në kokë në ndeshjen e fundit kundër Udinezes në kampionat, mbrojtësi shqiptar i Atalantës, Berat Gjimshiti shtrëngon dhëmbët dhe do të jetë i pranishëm në sfidën e sotme që zikaltërit do të luajnë kundër Juventusit.

Në fakt trajneri Gasperini e ka grumbulluar Gjimshitin për sfidën e sotme kundër bardhezinjve, madje mediat italiane shkruajnë se mbrojtësi pritet që të nisë si titullar ndeshjen kundër Juventusit.