
Spektakël dhe emocione në duelin për titull mes Napolit dhe Interit, por në fund të dyja skuadrat janë detyruar të dalin me nga një pikë nga stadiumi “Maradona”. Një barazim 1-1, që erdhi pas një ndeshje e cila në fakt për pjesën më të madhe u dominua nga skuadra e Antonio Contes.
Federico Dimarco zhbllokoi ndeshjen në minutën e 22-të me një ekzekutim perfekt të një goditje dënimi, e cila përfundoi në trekëndësh. Napoli shtoi presionin veçanërisht në pjesën e dytë.
Këmbëngulja e tyre dhe rastet e shumta u shpërblyen vetëm në minutën e 87-të. Philip Billing do të shënonte me një goditje të dyfishtë ndaj portierit Martinez. Ky barazim bën që Interi të mbetet në krye me 58 pikë, 1 më shumë se Napoli. /R.Lika-Koha Jonë/
