Spiunoi me dron një ekip rival, skuadra olimpike e femrave të Kanadasë dënohet rëndë nga FIFA

Ekipit Olimpik të Kanadasë së futbollit për femra i janë hequr gjashtë pikë dhe trajnerja Bev Priestman është pezulluar për një vit, pasi një dron u përdor për të spiunuar seancat stërvitore të një ekipi rival.

FIFA njoftoi sanksionet – të cilat përfshijnë një gjobë prej 175,720 £ – një ditë pasi Priestman me origjinë angleze u hoq nga posti i trajnerit të Olimpiadës së Kanadasë.

Zyrtarët e Shoqatës Kanadeze të Futbollit (CSA) Joseph Lombardi dhe Jasmine Mander gjithashtu janë pezulluar për një vit.

Në një deklaratë, organi qeverisës i futbollit FIFA tha se CSA ishte në “shkelje” të parimeve të saj.