Starti i Seria A, Inter e Lazio “ok”, Juve dhe Milan “ko”

Pas barazimit të Romës, Juventus e nisi edhe më keq Seria A, me humbjen befasuese 0-1 që pësoi në fushën e vete nga Udinize. Edhe Napoli është mundur në transfertë. Fillim befasues për ekipet pretendente.

Milani i Sinisa Mihajloviç e ka filluar kampionatin me humbje pasi u mund në transfertën e Firences përballë Fiorentinës me rezultatin 2-0.

Mbrojtësi Rodrigo Ely la skuadrën kuqezi me 10 lojtarë në minutën e 36 dhe nga ajo goditje standarte erdhi goli i parë i vendasve. Në pjesën e dytë Ilicic shënoi edhe golin e dytë për Fiorentinën me 11-metërsh, ndërkohë që tentativat e Milanit ishin thuajse inekzistente në inferioritet numerik.

Ndërkohë që të vetmit nga të mëdhenjtë që dalin me kokën lart në këtë javë të parë janë lojtarët e Interit, të cilët fituan 1-0 në minutat shtesë ndaj Atalantës. Pavarësisht volumit të lojës dhe superioritetit numerik ndaj kundërshtarit, i cili që nga minuta 71 mbeti me 10 lojtarë, vetëm në fundin e takimit blerja re e zikaltërve, Stefan Jovetiç, arriti të shënojë golin e fitores.

                Seria A

Java I – Të shtunën

Verona-Roma                 1-1

Lazio-Bolonja                   2-1

Të djelën

Juventus-Udineze            0-1

Empoli-Kievo                   1-3

Fiorentina-Milan               2-0

Frosinone-Torino             1-2

Inter-Atalanta                   1-0

Palermo-Genoa               1-0

Sampdoria- Carpi             5-2

Sassuolo-Napoli                2-1