Stevan Jovetiç, zyrtarisht te Inter për dy sezone

Stevan Jovetic është futbollisti më i ri i Interit. Blerja e sulmuesit malazez nga Manchester City u bë e ditur nga vetë klubi zikaltër me një komunikatë në faqen zyrtare. Jovetic zbarkoi në Milano që të hënën dhe pasi kaloi me sukses vizitat mjekësore mesditën e të martës 25-vjeçari priti deri pasditen e kësaj të premte për t’u zyrtarizuar si përforcimi më i fundit i Inter. Klubi nga Milano në komunikatën e tij bën gjithashtu të ditur se Jovetiç ka firmosur një kontratë që do ta lidhë atë me skuadrën zikaltër deri në 30 qershor të vitit 2019. Formula e transferimit të ish- sulmuesit të Fiorentinës në Guiseppe Meazza është ajo e huazimit 2-vjeçar për 3 milionë euro me detyrim blerjeje pas 2 sezonesh për 12 milionë Euro të tjera. Operacioni në total kap shifrën e 15 milionë Eurove. Ai i rikthehet Seria A, pas dy sezonesh në Premier League.