Suarez mbyll sezonin, Barcelona merr “OK” nga bomberi i Premier League

Me Luis Suarez që thuajse ka mbyllur sezonin, Barcelona është futur fuqishëm në merkaton për të identifikuar sulmuesin e ri.

Madje, sipas mediave spanjolle, konkretisht “Mundo Deportivo”, “bomberi” vjen nga Premier League. Është ylli i Arsenalit, Pierre-Emerick Aubameyang që ka dhënë dritën jeshile për një kalim në “Camp Nou”.

Sulmuesi 30-vjeçar ka një marrëveshje me Arsenalin deri në qershorin e ardhshëm dhe kjo besohet t’i japë një dorë në kalimin në La Liga.

Deri në këtë pikë të sezonit, gabonezi që vlerësohet në treg me 70 milionë euro ka bërë 26 paraqitje dhe ka shënuar 16 gola. Statistika që trajneri i ri i Barcelonës, Quique Setién i vlerëson dhe do ishte i kënaqur ta kishte në urdhërat e tij.