Suksesi historik i Besëlidhjes për meshkuj në basketboll, presidenti Ylli Ujka merr çmimin “Mirënjohje të veçanta”

Në një atmosferë festive, mbrëmja Gala e Federatës Shqiptare të Basketbollit u shndërrua në një natë nderimesh për figurat kyçe të basketbollit shqiptar. Në këtë ceremoni u vlerësuan, trajnerët, lojtarët dhe gjyqtarët më të mirë të vitit.

Besëlidhja zhvilloi një sezon fantastik në basketbollin për meshkuj, duke u shpallur për herë të parë kampione. Lezhjanët e Afrim Bilalit kanë mbyllur një sezon perfekt, si të pamposhtur me 27 fitore në po kaq ndeshje të zhvilluara.

Një sukses i merituar që shpërblen të gjithë punën dhe investimin e klubit, me Besëlidhjen që ngjitet në majën e sportit të koshit në Shqipëri. Për këtë arritje historike, presidenti Ylli Ujka u vlerësua me çmimin “Mirënjohje të veçanta”. Një punë e jashtëzakonshme nga numri një i ekipit lezhjan që ka bërë investimet e duhura për të krijuar një skuadër “perfekte”.

Biznesmeni duhet vlerësuar për faktin që ka dhënë një kontribut të vyer në botën e basketbollit, teksa investimet në botën e sportit në vendin tonë janë gjithnjë e më të pakta. /Rozalb Lika-Koha Jonë/

👏🏻 Mirënjohje të veçanta
• Gjon Luli , Renato Radoja , Et’hem Kaso
• Ylli Ujka – President i ekipit kampion për meshkuj.
• Mirza Alibegaj – Presidente e ekipit kampion për femra dhe trajnerja e ekipit kombëtar U18 Vajza.
• Erkand Karaj – Trajner i ekipit për meshkuj.
• Klaudio Ndoja – Trajner i ekipit për femra.
• Glen Prodani – Trajner i ekipit U20 Djem.
• Klarent Dedaj – Trajner i ekipit U20 Vajza.
• Mirza Alibegaj – Trajner i ekipit U18 Vajza.
• Besim Dervishaj – Trajner i ekipit U18 Djem.
• Igli Zejno – Trajner i ekipit U16 Vajza.
• Artur Kasaj – Trajner i ekipit U16 Djem.

Vlerësime për gjyqtarë të perspektivës
• Ema Ndreu
• Dea Hushi
• Vjoresin Ndreu

🏀Çmime për lojtarët më të spikatur
• Enisa Qosja – Lojtarja më e spikatur.
• Julian Hamati – Lojtari më i spikatur.
• Martina Haxhiu – Lojtarja më e spikatur U18 Vajza.
• Ergi Bregu – Lojtari më i spikatur U18 Djem.
• Aurora Dhedhes – Lojtarja më e spikatur U16 Vajza.
• Stiv Qeli – Lojtari më i spikatur U16 Djem.
• Andri Hidri – Lojtari më i spikatur U14 Djem.

Lojtarët më të preferuar nga publiku
• Ornela Lalaj
• Eldi Hysa