Tare pas humbjes me Atalantën: Tifozët meritojnë një Milan tjetër, tani duhen vepra

Drejtori Sportiv i Milanit, Igli Tare flet pas humbjes ndaj Atalantës.

”E analizova ndeshjen me trajnerin pas minutës së 90-të. Duhet të mbetemi të përqendruar në dy ndeshjet e fundit. Reagimi në dhomën e zhveshjes ishte i duhuri, tani duhet të kalojmë nga fjalët në veprime. Ndoshta do të shkojmë në tërheqje disa ditë para Xhenoas”.

Nga ana tjetër Tare pranoi problemet e Milanit dhe iu drejtua tifozëve. ”Mungonte tensioni i duhur. Duhet të marrim përgjegjësitë tona. Tifozët meritojnë një ekip tjetër”.

Ai u pyet edhe në lidhje me një shkarkim të mundshëm në fund të sezonit. ”A jam nën diskutim? Nuk kam marrë asnjë sinjal nga klubi, po përqendrohem në punën time. Nëse arrijmë objektivin tonë, do të kemi bërë një punë të shkëlqyer. Pjesa tjetër, përkatësisht spekulimet, janë pjesë e punës sonë”.