Të premten rikthehet Bundesliga, por po nëse fiton Bajerni?!

Sporti E Hënë, 19 Prill 2021 04:25

A mund të imagjinohet një fitore e Bajern Mynih ndaj Volsburgut, në ndeshjen e parë zyrtare të këtij viti në Bundesligë. Të premten rikthehet kampionati gjerman me ndeshjen kryesore, që do të luhet në Volsburg, ku skuadra e vendit të dytë pret kryesuesit dhe kampionët në fuqi të Gjermanisë. Në fakt, nuk mund të imagjinohet një humbje, por nëse Bajerni fiton, për çfarë do të luhet pjesa e mbetur e Bundesligës? Diferenca aktuale mes kryesuesve dhe vendit të dytë është 11 pikë. Fitorja e Bejernit do ta shkëpusë atë në 14 pikë dhe kjo mund të sjellë humbjen e interesin për pjesën e mbetur të sezonit në Bundesligë, pasi do të ketë garë vetëm mes ekipeve të tjera pretendente për një vend në Champions, apo Europa League, si dhe atyre që duhet të mbeten në Bundesligë. Bajerni, në rast fitoreje, thuajse i ka mbyllur llogaritë me titullin dhe pritet të fokusohet më tutje totalisht nga Champions League. Mediat gjermane shprehen të sigurta, se nën drejtimin e Pep Guardiola, këtë vit Bajern mund të përsërisë tripletën e tre viteve më parë, për të fituar përveç titullit kampion, edhe Champions League, si dhe Kupën e Gjermanisë.

Bundesliga