Tensione në Kongresin e FIFA-s: Izraeli dhe Palestina dalin ne skenë, por më pas situata del jashtë kontrollit … (VIDEO)

Momente tensioni janë regjistruar në skenën e Kongresit të 76-të të FIFA-s në Vancouver, ku protagonist u bë presidenti i FIFA-s, Gianni Infantino.

Gjatë ceremonisë, Infantino tentoi të ndërmjetësonte një gjest simbolik pajtimi mes përfaqësuesit të Federatës së Futbollit të Palestinës, Jibril Rajou, dhe zëvendëspresidentit të Federatës së Futbollit të Izraelit, Basim Sheikh Suliman.

Pavarësisht përpjekjeve të vazhdueshme për më shumë se dy minuta për të organizuar një shtrëngim duarsh apo edhe një foto të përbashkët, kreu 56-vjeçar i FIFA-s nuk arriti ta realizojë këtë iniciativë.

Situata u përshkallëzua kur Rajou refuzoi të bashkëpunojë dhe më pas u largua nga skena, duke deklaruar shkurtimisht: “Ne po vuajmë!”. Kjo skenë reflektoi tensionet e thella politike që vazhdojnë të ndikojnë edhe në arenën sportive ndërkombëtare.