Teuta turpëron Partizanin, Vllaznia ndalet nga Flamurtari

Teuta ia del që të fitojë, ndërkohë që Vllaznia jo. Sfidat e mbijetesës së javës së 32-të mund të vendosin jo pak për fatet e këtyre skuadrave në luftën për mbijetesë.  Në “Selman Stërmasi”-in e boshatisur, për shkak të vendimit të Komisionit të Disiplinës, Partizani pësoi një humbje të rëndë 1-3 ndaj Teutës. Të kuqtë gjetën të parët avantazhin, në minutën e 16-të me anë të Bathës, që shënoi nga pika bardhë, por më pas durrsakët e Begejës përmbysën gjithçka, duke shënuar plot 3 gola në portën e Hoxhës. Çyrbja, Hrkaç dhe Hila ishin autorët e golave të skuadrës së Teutës, që mori sot një 3-pikësh me shumë vlerë.

Vllaznia nuk mundi që të shkonte më shumë se një barazim 1-1 në Vlorë. Shkodranët pasi humbën një 11-metërsh me Vucajn, që u ndal nga portieri i vlonjateve, Nurkoviç, gjetën golin pak nga fundi i ndeshjes. Vlonjati Andi Ribaj kaloi në avantazh shkodranët në minutën e 84’. Gjithsesi festa e shkodranëve mbeti në tentativë, pasi në sekondat e fundit të sfidës, ishte Kamara që mposhti Sherrin me një gjuajtje nga hyrja e zonës.

Nëse shohim fundin e tabelës pas javës së 32-të, Vllaznia dhe Teuta janë në kuotën e 37 pikëve në vendin e 8 dhe të 9, ndërkohë që Kamza ka vetëm dy pikë më shumë se ata.