”The Best FIFA 2023”, tre emra në garë

Këtë mbrëmje do të jepet çmimi i lojtarit më të mirë të FIFA-s 2023, më prestigjiozi i “The Best FIFA 2023”.

Erling Haaland do të konkurrojë për çmimin prestigjioz me Lionel Messin dhe Kylian Mbappéne, të cilët u zgjodhën nga një juri e posaçme ekspertësh si lojtarët më të mirë në futbollin e meshkujve në periudhën midis 19 dhjetorit 2022 dhe 20 gushtit 2023.

Duke marrë parasysh periudhën kohore, favorit mund të jetë Haaland, i cili udhëhoqi Manchester Cityn në fitoren e “Trefishtë” duke fituar Premier League, Champions League dhe FA Cup. Gjiganti norvegjez, megjithatë, do të duhet të përballet me Lionel Messin, për të cilin merret në konsideratë triumfi në kupën e Botës me Argjentinën.