Thomas Muller: Bajerni mund të fitojë gjithçka, Champions, titullin dhe kupën

Bayern Mynih ndodhet aktualisht duke zhvilluar fazën përgatitore të dimrit në Doha të Katarit. Thomas Muller shprehet i kënaqur me rrugën nëpër të cilën po ecën skuadra, e cila do të rikthehet në fushë në fund të këtij muaji dhe sipas Muller ekipi bavarez është në luftë në tre fronte. – “Jemi stërvitur shumë mirë. Kemi përmirësuar aspektin mbrojtës dhe besoj se do të jetë shumë e vështirë që skuadrat kundërshtare të na shënojnë,” – shprehet Muller.  Në fazën e 1/8 në UEFA Champions League, Bayerni do të zhvillojë dy sfida kundër ukrainasve të Shakhtar Donetsk, ndërsa përballjen e radhës në Kupë sfidon Eintracht Braunschweig. Gjithsesi, Muller thotë se muajt mars e prill do të jenë më të n”xehtët” për grupin bavarez. – “Po bëjmë një punë të mirë në të tre  kompeticionet, por gjatë muajit mars dhe prill duhet të luajmë në maksimum sepse do të luajmë ndeshje shumë delikate,” – shprehet ai. Bundesliga rikthehet për pjesën e dytë të këtij sezoni më 30 janar, kur Bayerni i Mynihut luan në transfertën e Wolfsburg, të cilët aktualisht ndodhen të dytët, në klasifikim, me 11 pikë më pak se kryesuesit bavarezë që drejtohen nga trajneri Pep Guardiola.