“Ti Shqipëri më jep nder” , slogani i Kombëtares për “Euro 2016”

“Ti Shqipëri më jep nder” do të jetë slogani i kombëtares sonë për “Euro 2016”.

Lajmin e bëri të ditur presidenti i Federatës Shqiptare të Futbollit (FSHF), Armando Duka, gjatë prezantimit të projektit të stadiumit të ri kombëtar, paraditen e sotme.

Kreu i FSHF-së e konsideroi më pas kualifikimin e Shqipërisë në Kampionatin Evropian si një tregues që futbolli ynë meriton shumë.

“Ky sukses është prova që futbolli ynë meriton shumë. Është një faqe e parë dhe një kapitull i ri që tregon se pavarësisht vështirësive, futbolli ka objektiva të larta”, deklaroi Duka.