Tifozët e Interit sfiduan shiun, festë të çmendur në Duomo pas titullit të 20-të kampion (VIDEO)

Mbrëmjen e djeshme Interi u shpall kampion i Italisë. Suksesi përballë rivalëve të përjetshëm i nevojitej zikaltërve të mbyllnin matematikisht çdo diskutim, edhe pse titulli dukej i pashmangshëm pas dominimit në këtë sezon.

Menjëherë pas ndeshjes, tifozët e Interit pushtuan Duomo-n, për të festuar titullin e20-të në histori. Klima dimërore, temperaturat e ulëta apo reshjet e shiut nuk e zbehën entuziazmin për këtë arritje.

Sipas të dhënave zyrtare të autoriteteve lokale bëhej fjalë për 15 mijë mbështetës zikaltër në sheshin kryesor të Milanos, por edhe mijëra të tjerë të shpërndarë nëpër qytet.