Tifozët e Rennes harrojnë koronavirusin, pa maska dhe pa distancim social

Rennes debutoi në Champions League me një barazim 1-1 kundër Krasnodar por më shumë se sa rezultati lajm bënë tifozët në stadium. Afro 5 mijë fansa të Rennes ishin të pranishëm në stadium për të ndjekur live këtë takim, por nuk respektuan në asnjë moment rregullat kundër COVID-19.

Në stadium kishte hapësira mjaftueshëm për të ruajtur distancën e duhur por tifozët zgjodhën të qëndronin të gjithë bashkë për të mbështetur ekipin e tyre. Ajo që shqetësoi edhe më shumë autoritet sanitare ishte fakti që shumë pak tifozë ishin me maska.